വിശ്വാസമാണ് തഖ്വയുടെ അടിസ്ഥാനം/യൂസുഫ് കന്ധല്വി (റഹ്) യുടെ പ്രഭാഷണങ്ങളില് നിന്നുള്ള ഒരു ഭാഗം
"ഭക്തി (തഖ്വ) എന്നത് നിങ്ങള് കിഴക്കോട്ടോ പടിഞ്ഞാറോട്ടോ മുഖം തിരിക്കുന്നതല്ല.." (2:177)
നിങ്ങള് നമസ്കാരത്തിനായി ഇങ്ങോട്ടോ അങ്ങോട്ടോ തിരിയുന്നതല്ല 'ഭക്തി'. ചുരുക്കത്തില്, കേവലം നമസ്കരിക്കുക മാത്രം ഭക്തിയല്ല. അപ്പോള് എന്താണ് ഭക്തി?
ആദ്യം ഒരാളുടെ വിശ്വാസങ്ങള് ശരിയായിരിക്കണം. ഏറ്റവും പ്രധാനപ്പെട്ടത് എന്താണ്? വിശ്വാസം ശരിയാക്കപ്പെടണം എന്നതാണ്!
"...എന്നാല് [യഥാര്ത്ഥ] ഭക്തി അല്ലാഹുവില് വിശ്വസിക്കുന്ന [ഒരാളില്] ആണ്," (2:177)
ഇതിന്റെ അര്ത്ഥം എന്താണ്?
ഒരാള് സമ്പത്ത്, വസ്തുവകകള്, ഭൂമികള്, വീടുകള്, സ്വത്തുക്കള്, ഭൂമി, ആകാശം, ചന്ദ്രന്, സൂര്യന്, മനുഷ്യര്, സ്വന്തം ആത്മാവ് എന്നിവയില് നിന്ന് മുഖം തിരിക്കുന്നു.
ഒരാള് എല്ലാറ്റില് നിന്നും തന്റെ വിശ്വാസത്തെയും ആശ്രയത്തെയും ശുദ്ധീകരിക്കുന്നു.
എന്നിട്ട് തന്റെ വിശ്വാസവും ആശ്രയവും ഏകനായ അല്ലാഹുവില് മാത്രം സ്ഥാപിക്കുന്നു.
എല്ലാം ചെയ്യുന്നത് അല്ലാഹുവാണ് എന്ന് നാം പറയുന്നു. പക്ഷേ നാം ഈ ലോകത്തിലെ മാര്ഗങ്ങളിലും ഉപാധികളിലും പരിമിതപ്പെട്ടിരിക്കുന്നു.
ഇതിനര്ത്ഥം നാം അല്ലാഹുവിന്റെ അതീതത്വം (transcendence) മനസ്സിലാക്കിയിട്ടില്ല എന്നാണ്.
അല്ലാഹു എല്ലാ ഉപാധികളില് നിന്നും സ്വതന്ത്രനാണ്!
അല്ലാഹു അല്ലാത്ത എല്ലാം ശക്തിഹീനമാണ്. ഉപാധികള് സ്വതവേ ശക്തിഹീനമാണ്. അവയല്ല നമ്മെ നിലനിര്ത്തുന്നത്. അവയല്ല നമുക്ക് വിജയം നല്കുന്നത്. ദുരന്തങ്ങള് ഉപാധികള് കൊണ്ടല്ല സംഭവിക്കുന്നത്. ഉപാധികള് ഇല്ലാതെ തന്നെ അല്ലാഹുവിന് ഒരാളെ ഹാനി ചെയ്യാന് കഴിയും. ഒരു മാധ്യമവുമില്ലാതെ അല്ലാഹുവിന് ഒരാളെ ഹാനി ചെയ്യാന് കഴിയും.
അല്ലാഹുവാണ് പരമമായ കര്ത്താവ്!
അല്ലാഹുവിന്റെ ഏകത്വത്തിലുള്ള ഈ വിശ്വാസമാണ് തഖ്വയുടെ അടിസ്ഥാനം.